oleh: Fajar ‘Doyok’ PraptonoLangit biru wera tur padhang
Merga lamuk desapu silire angin
Ningen kenangapa selot suwe gremeng – gremeng
Banjur terus peteng ?
Sekang kadohan keprungu wong – wong
Lanang wadon bocah wong tuwa kaki lan nini
Padha mlayu pating mbesasat
Karo nggawa apa sing teyeng decandhak
Nyaut apa sing teyeng desaut
Lan nyamber apa sing teyeng desamber
Mlayu sipat kuping seporete
Motor trek becak pit grobag lan dhokar
Ngalor ngidul ngetan ngulon pating sliwer
Semrawut ora nggenah paran sing detuju
Mung merga wedi aring wedhus gembel
Sing agi nguwel ngamuk metu sekang kandhange
Watu kewan tanduran mbangkan umah lan apa baen
Sing ketrajang tumpes mati palastro
Astaghfirullah hal’adzim……..
O…….Allah Gusti…….
Dosa napa sing mpun sami delakoni ?
Dosane sinten ?
Deneng tiyang – tiyang sing sami tekun ngibadah
Sing sregep sodakoh lan eling Gusti Allah
Malahen kathah sing sami dadi korban lan tumbal ?
Sewetara wedhus gembel terus mulek
Saya nguwel ngglibed turut lidhigan desa
Ngingus – ingus grumbul lan nyaponi kampung – kampung
Nyamber ntrajang sing keliwatan
O……Allah Gusti………….
Niki lupute sinten ?
Siksa, kiamat, mala
Napa ganjaran, kaca benggala, utawa ngelingena ?
Pwt,02112010
*****
Tidak ada komentar:
Posting Komentar